Slegið er inn launagreiðsluár og síðan smellt á hnappinn Ný launamiðakeyrsla. Kerfið dregur nú saman allar launakeyrslur ársins í eina samtölulínu undir Launamiðakeyrslur. Ef einhverjir launaliðir eru ekki merktir með Nr. á launamiða eða merktir með númeri sem er óþekkt í kerfi RSK koma villuboð. Nr. á launamiða er skráð undir Viðhald skráa > Launa- og frádráttarliðir.

Meðan launamiðar hafa ekki verið sendir til RSK er hægt að endurreikna keyrslu með því að smella á . Launamiðakeyrslu er hægt að eyða með því að smella á  og ef launamiðar hafa verið sendir til RSK þá eyðir Regla sendingunni þar einnig.

Til að senda launamiða til RSK þarf að skrá inn veflykil og smella á Senda launamiða.

Ef eyða á launamiðakeyrslu sem hefur verið send til RSK þarf að skrá inn veflykil áður en smellt er á.

Ef launamiðar hafa verið sendir til RSK er hægt að skoða kvittun RSK fyrir móttöku með því að smella á fremst í línunni.

Með því að smella á línu undir Launamiðakeyrslur birtir kerfið samtölur allra launþega í launamiðakeyrslu.

Ef launagreiðandi vill sjá sundurliðaða launamiða pr. launþega er það gert með því að skrá sig inn á vef RSK og velja þar sendinguna og síðan prentun launamiða.

Með því að smella á línu í listanum undir Launþegar í launamiðakeyrslu birtist skjámynd með sundurliðun launamiðafærslna pr. launþega.